घट्यो सुनचाँदीको मूल्य, कतिमा हुँदैछ कारोबार ?

काठमाडाैं । नेपाली बजारमा आज (शुक्रबार) सुनचाँदीको मूल्य घटेको छ ।

बिहीबार स्थिर रहेको सुनचाँदीको मूल्यमा शुक्रबार गिरावट आएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५३ हजार रूपैयाँमा किनबेच भइरहेको छ ।

सुनको यो मूल्य अघिल्लो दिनको तुलनामा प्रतितोला एक हजार दुई सय रूपैयाँ कम हो ।

बिहीबार छापावाल सुन प्रतितोला एक लाख ५४ हजार दुई सय रूपैयाँमा कारोबार भएको थियो ।

त्यसैगरी, आज चाँदीको मूल्य पनि घटेको छ । अघिल्लो दिन स्थिर रहेको चाँदीको मूल्य आज प्रततोला ६५ रूपैयाँले घटेर एक हजार आठ सय ६० रूपैयाँमा कारोबार भइरहेको हो ।

बिहीबार चाँदी प्रतितोला एक हजार नौ सय २५ रूपैयाँमा कारोबार भएको थियो ।