काठमाडौंका ३ वटा सडक आजदेखि एकतर्फी मात्र सञ्चालन

काठमाडौं । काठमाडौं महानगरपालिका भित्रका ३ वटा सडक खण्ड आजदेखि एकतर्फी बनाइएको छ ।

काठमाडौं महानगरपालिकाले एक सूचना जारी गरेर आज (कात्तिक १ गते) देखि लागू हुने गरी त्रिपुरेश्वर, कमलादी र दरवारमार्ग सडक खण्डलाई एकतर्फी बनाइएको जानकारी दिएको छ ।

यो सँगै अब महानगरको वडा नं ११ त्रिपुरेश्वर मूल सडक खण्डको दक्षिणतर्फ त्रिपुरेश्वरबाट गुसिंगाल– सेतोपुल–मिलन मार्गतर्फ जान मात्र पाइने छ । यस्तै, वडा नं २८ पुतलीसडक, मूलसडक खण्डको पश्चिमतर्फ कमलादी मोडबाट घण्टाघरतर्फ जान मात्र पाउनेछ भने वडा नं १ र २८ मा पर्ने दरवार मार्ग मूल सडकको पूर्वतर्फ महेन्द्र सालिकदेखि कृष्ण पाउरोटी चोक (कमल पोखरी) सम्म जान मात्र पाइने महानगरपालिकाले जनाएको छ ।