उर्लिँदै राजावादीहरू, काठमाडौँमा फेरि भयो प्रदर्शन

काठमाडौँ । राजसंस्था पक्षधरहरूले आफ्ना प्रदर्शनात्मक गतिविधि बढाउँदै लगेका छन् । गत फागुन २५ गते काठमाडौँमा हालसम्मकै ठूलो दाबी गरिएको प्रदर्शनपछि राजावादीहरूले आफ्नो सक्रियता थप बढाएका हुन् ।

यसैबीच, पूर्वराजा ज्ञानेन्द्र शाह गोरखा भ्रमणमा रहेका बेला राजावादीहरूले काठमाडौँमा प्रदर्शन गरेका छन् । शनिबार काठमाडौँको दरबारमार्गस्थित नारायणहिटी दरबार अगाडि राजावादी समूहले प्रदर्शन गरेको हो ।

प्रदर्शनमा सहभागीहरूले पूर्वराजा ‘ज्ञानेन्द्र शाहलाई पुनः एक पटक राजा घोषणा गरौँ’ लगायत नारा लगाएका छन् ।

स्मरण रहोस्, पूर्वाराजा शाह आज गोरखामा छन् । उनले गोरखनाथ, गोरखकाली, मनकामना मन्दिरमा पूजाअर्चना गरेका छन् ।

यी पनि पढ्नुहाेस्-

गोरखाबाट पूर्वराजाको सन्देश– मेरो सक्रियतादेखि कोही डराउनु पर्दैन

राजा वीरेन्द्रको बंशनाश गर्ने योजना प्रचण्ड र प्रज्वल शमशेरले बनाएका हुन् : दुर्गा प्रसाईं

‘नेपालको व्यवस्था परिवर्तनमा साथ नदिए भारत टुक्रिन्छ, मणिपुर क्रिश्चियन राज्य बन्छ’