थापाथली क्याम्पसका विद्यार्थी प्रजेश श्रेष्ठले पाए शंकरलाल अग्रवाल गोल्ड मेडल

काठमाडाैँ । इन्ष्टिच्युट अफ इञ्जिनियरिङ (आईओई), थापाथली क्याम्पसले आफ्नो ५९औँ वार्षिक समारोहका अवसरमा आफ्नै क्याम्पस प्रांगणमा एक कार्यक्रम आयोजना गरेको छ ।

बुधाबर इन्ष्टिच्युट अफ इञ्जिनियरिंग (आईओई), थापाथली क्याम्पसले आफ्नो ५९औँ बर्षिक समारोह समापन भएको छ । संस्थागत सामाजिक उत्तरदायित्वअन्तर्गत शंकर गु्रपको भगिनी संस्था जगदम्बा स्टिलको सहकार्यमा उक्त कार्यक्रमको आयोजना गरिएको थियो ।

कार्यक्रममार्फत विसं २०८१ सालको त्रिभुवन विश्वविद्यालयअन्तर्गत इञ्जिनियरिङ संकायको परिक्षामा इञ्जिनियरिङ संस्थान, थापाथली क्याम्पसको स्नातक तहमा सर्वोत्कृष्ट अंक ल्याउन सफल प्रजेश श्रेष्ठलाई सम्मानित गरिएको छ ।

शैक्षिक उत्कृष्टता प्रदर्शित गर्दै इञ्जिनियरिंग संस्थान, थापाथली क्याम्पसको स्नातक तहमा सर्वोत्कृष्ट अंक ल्याउन सफल उनलाई ‘श्री शंकर लाल अग्रवाल स्वर्ण पदक विसं २०८१’, प्रमाणपत्र का साथै नगद ५१ हजार रुपैयाँ पुरस्कारका साथ सम्मानित गरिएको हो ।

इअसं, डीन प्राडा सुशीलबहादुर बज्राचार्यज्यूको प्रमुख आतिथ्यमा सम्पन्न उक्त समारोहमा विशेष अतिथीका रुपमा शंकर ग्रुपका निर्देशक-संचालन तथा मार्केटिङ्ग श्री रवि प्रकाशज्यूका साथै ईन्ष्टिच्युट अफ इञ्जिनियरिङ, थापाथली क्याम्पसका क्याम्पस प्रमुख डा खेम ज्ञवलीलगायतको उपस्थिति रहेको थियो ।