काठमाडौंमा टिपरको ठक्करबाट १ जनाको मृत्यु

काठमाडौँ, भाद्र २७ – काठमाडौंको तीनकुनेमा टिपरको ठक्करबाट एक जनाको मृत्यु भएको छ ।

महानगरीय ट्राफिक प्रहरी महाशाखा अनुसार प्रदेश ३–०१००३ क ४५६३ नम्बर टिप्परको ठक्करबाट बा २९ प १४७९ नम्बरको मोटरसाइकलका चालक भक्तपुरका ५५ वर्षका अनिल गौतमको मृत्यु भएको हो ।

गौतमलाई गएराति पौने १० बजे टिप्परले ठक्कर दिएको थियो । उनको उपचारका क्रममा सिभिल अस्पतालमा ज्यान गएको प्रहरीले जनाएको छ ।