केहीदिन ओरालो लागेको सुनको मूल्य आज ह्वात्तै बढ्यो

काठमाडौं, भदौ २९ । गत हप्तादेखि लगातार ओरालो लाग्दै गएको सुनको मूल्य साताको दोस्रो दिन आज सोमबार भने बढेकोे छ ।

नेपाल सुनचाँदी महासंघका अनुसार आइतबार प्रतितोला ७० हजार २०० रुपैयाँमा कारोबार भएको छापावाला सुनको मूल्य आज ११ सय रुपैयाँले बढेर ७१ हजार ३०० रुपैयाँमा कारोबार भएको छ ।

त्यसैगरी आज तेजाबी सुनको मूल्य प्रतितोला ७१ हजार रुपैयाँमा कारोबार भएको छ । आइतबार तेजावी सुन ६९ हजार ९०० रुपैयाँमा कारोबार भएको छ । महासंघले आज प्रति १० ग्राम छापवाला सुनको मूल्य ६१ हजार १३० रुपैयाँ कायम गरेको छ भने प्रति १० ग्राम तेजाबी सुनको मूल्य ६० हजार ८७५ रुपैयाँ कायम गरेको छ ।

त्यस्तै आज चाँदीको मूल्य पनि २५ रुपैयाँले बढेर प्रतितोला ८६५ रुपैयाँमा कारोबार भएको छ । महासंघले आज प्रति १० ग्राम चाँदीको मूल्य ७४१रुपैयाँ ६० पैसा कायम गरेको छ ।