दुईथरी ‘ब्यालेन्स सिट’ बनाएर कारोबार गर्दै आएका करदातालाई कारबाही गरीने

काठमाडौं – सरकारले दुईथरी ‘ब्यालेन्स सिट’ बनाएर कारोबार गर्दै आएका करदातामाथि कारबाही गर्ने भएको छ ।

केही व्यापारीले राजस्व थोरै तिर्ने उद्देश्यले वास्तविक ब्यालेन्स सिट लुकाएर कम कारोबार भएको ब्यालेन्स सिट देखाउने गरेको पाइएपछि सरकारले कारबाही प्रक्रिया अघि बढाउन लागेको हो ।

यसका लागि अर्थ मन्त्रालयले शंकास्पद व्यक्तिको नामसहित राजस्व अनुसन्धान विभागलाई आवश्यक छानबिन तथा कारबाही प्रक्रियाका लागि पत्राचार गरिरहेको अर्थ मन्त्रालयले जनाएको छ ।

अर्थमन्त्री डा.युवराज खतिवडाले लेखापरीक्षकहरूलाई सरकारलाई नोक्सान गर्नेगरी लेखापरीक्षण नगर्नसमेत निर्देशन दिइसकेका छन् ।

– राजधानी दैनिक