बलिउड अभिनेता रणबीरको मुम्बईमा सानो दुर्घटना

काठमाडौं, असोज ३० – बलिउड अभिनेता रणबीर बिहिबार मुम्बईमा एक सानोे दुर्घटनाको शिकार भए । यो दुर्घटनामा न त उनलाई न नै उनको गाडीमा केही क्षती पुग्यो तर पापाराजीले उनका केही तस्बिर खिच्ने भने मौका पक्कै पाए । यी तस्बिर र भिडियो अब सोसल मिडियामा भाइरल भएका छन् जसमा रणबीर दुर्घटनापछि आफ्नो गाडीको स्थिती हेरिरहेको देख्न सकिन्छ ।

रणबीर डबिङको काम पूरा गरेपछि फर्किने क्रममा उनको गाडीलाई पछाडिबाट आइरहेको एउटा बाइक रणबीरको मर्सिडिज एसयूभीसँग ठोक्कियो । सोसल मिडियामा प्रकाशित भिडियोमा रणबीर गाडीबाट निस्किएर मोटरसाइकलको ठक्करले गाडीमा कत्तिको क्षती पुग्यो भनेर हेर्छन् र त्यसपछि पुनः गाडीमा बस्छन् ।