बुधबार ८ हजार ९८९ जना संक्रमित संक्रमणमुक्त, २४६ जनाको मृत्यु

काठमाडौं, जेठ ५ – नेपालमा पछिल्लो २४ घण्टामा कोरोना भाइरसका थप ७ हजार ९८९ जना संक्रमित संक्रमणमुक्त भएका छन् । योसहित नेपालमा कोरोना संक्रमणमुक्त हुनेको संख्या ३ लाख ५२ हजार ४२४ जना पुगेको छ ।

यस्तै पछिल्लो २४ घण्टामा थप २४६ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या ५ हजार ६५७ जना पुगेको मन्त्रालयले जनाएको छ ।

गत २४ घण्टामा थप १ हजार १७३ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । वुधबार पीसीआर विधिबाट २०२८६ र एन्टिजेन विधिबाट ६९३ जनाको स्वाब परीक्षण भएकोमा कुल ८ हजार २०३ जनामा संक्रमण पुष्टि भएको हो ।

यससँगै कुल संक्रमितको संख्या ४ लाख ७२ हजार ३५४ जना पुगेको मन्त्रालयले जनाएको छ । देशभर सक्रिय संक्रमितको संख्या १ लाख १४ हजार ५२९ जना रहेको छ ।