भायनेटको ‘दशै तिहार टिभीको उपहार’ योजना सार्वजनिक

काठमाडौं, भदौ २९ । नेपालको पहिलो एफटीटीएच इन्टरनेट सर्भिस प्रोभाइडर भायनेट कम्युनिकेसन्स्ले दशै र तिहारलाई लक्षित गरी ‘भायनेट दशै तिहार टिभीको उपहार’ नामक नयाँ अफर ल्याएको छ ।

यस अफर अन्तर्गत भायनेटका ग्राहकहरुले अतिरिक्त स्पिडको इन्टरनेट र २३० भन्दा बडी च्यानल भएको एनईटीटीभीको साथ स्काई वर्थको ३२ र ४० इन्च टिभी भारी छुटमा प्राप्त गर्न सक्नेछन् । इन्टरनेट र टिभीका ग्राहक बन्ने सम्पूर्ण ग्राहकहरुले ३२ र ४० इन्चको स्काई वर्थका एलईडी टिभी घरमै लैजान सक्नेछन् । उक्त योजना भदौ २६ गतेदेखि सुरु भएको छ ।

वार्षिक २५,९९० प्लस भ्याटको मुल्यमा ग्राहकहरुले ५० एमवीपीएस स्पिडको इन्टरनेट र २३० भन्दा बडी च्यानल भएको एनईटीटीभीको साथ स्काई वर्थको ३२ इन्च टिभी घरमै लैजान सक्नेछन् ।

ग्राहकहरुको सुभिधा र ईच्छालाई मध्यनजर गर्दै भायनेट कम्युनिकेसन्स्ले स्काई वर्थको ४० इन्च टिभि र इन्टरनेटको कम्बो प्याक पनि ल्याएको छ ।

वार्षिक ३४,५४५ प्लस भ्याटको मुल्यमा ग्राहकहरुले ५०एमवीपीएस स्पिडको इन्टरनेट र २३० भन्दा बडी च्यानल भएको एनईटीटीभीको साथ स्काई वर्थको ४० इन्च टिभी घरमै लैजान सक्नेछन् र साथै प्रथम २०० जना ग्राहकहरुले थप रु १४७५ को डिस्काउन्ट पाउनेछन् ।