पहिलोपटक संसदीय सुनुवाई समितिबाट प्रस्तावित प्रधानन्यायाधीश अस्वीकृत

काठमाण्डौ– संसदीय सुनुवाई विशेष समितिले प्रधानन्यायाधीशमा प्रस्तावित दीपकराज जोशीलाई अस्वीकृत गरेको छ ।

संसदीय सुनुवाइ समितिमा सत्ताधारी दल नेपाल कम्युनिस्ट पार्टीका सांसदहरू सन्तुष्ट हुन नसकेपछि जोशीको नाम अस्वीकृत भएको हो । कांग्रेसले भने बैठक बहिष्कार गरेको छ।

प्रमुख विपक्षी दल कांग्रेसले बैठक बहिष्कार गरेपछि दुई तिहाई बहुमतका आधारमा जोशीको नाम अस्वीकृत भएको हो । जोशीको पक्षमा एक मत पनि खसेन भने विपक्षमा १० मत खसेको छ ।

संसदीय सुनुवाई समितिबाट नाम अनुमोदन नहुने जोशी पहिलो प्रस्तावित प्रधानन्यायाधीश हुन् ।