सरोज बस्नेतसहित ४० जना फेरि इक्यानमा फर्किए

काठमाडौं,पुस १४- सरोजकुमार बस्नेतसहित ४० जना शैक्षिक परामर्श व्यवसायीहरुलाई इक्यानमा प्रवेश गरेका छन् । उनीहरुलाई नेपाल शैक्षिक परामर्श संघ (इक्यान)का अध्यक्ष विष्णुहरि पाण्डेले सोमबार डिल्लीबजारस्थित इक्यानको कार्यालयमा अविर, खादा र प्रमाणपत्र सहित स्वागत गरेका थिए ।

पाण्डेले बस्नेतलाई इक्यानको सल्लाहकारको जिम्मेवारी दिइएको प्रमाणपत्र समेत प्रदान गर्नुका साथै अन्य नयाँ सदस्यलाई समेत प्रमाण पत्र वितरण गरेका थिए । ठूलो टिमलाई एकैसाथ स्वागत गर्दै अध्यक्ष पाण्डेले अब सबै एकजुट भएर अगाडि बढ्नु पर्ने बताए । ‘यो जुट्ने बेला हो, त्यसैले सबै एकैठाउँ उभिनु पर्छ, नीतिगत तहदेखि हरेक काममा एकजुट भएर अगाडि बढ्नुपर्छ,’ अध्यक्ष पाण्डेले भने ।