कति पुग्यो त सुनको मूल्य ?

काठमाडौं, असोज ४ – साताको पहिलो आइतबार दिन नेपाली बजारमा सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार आइतबार सुनको मूल्य स्थिर रहेको हो ।

महासंघका अनुसार आइतबार नेपाली बजारमा छापावाल सुनको मूल्य प्रतितोला ९७ हजार रुपैयाँका दरले रहेको छ । उक्त मूल्य शुक्रबारका लागि नै तोकिएको हो । तेजावी सुनको मूल्य पनि आइतबार ९६ हजार ५ सय रुपैयाँ प्रतितोला रहेको छ ।

आइतबार चाँदीको मूल्य भने घटेको छ । महासंघका चाँदीको मूल्य अनुसार प्रतितोला १५ रुपैयाँका दरले घट्दै १३ सय १५ रुपैयाँ कायम भएको छ । शुक्रबार चाँदीको मूल्य प्रतितोला १३ सय ३० रुपैयाँका दरले रहेको थियो ।