काठमाडौंमा ११२७ जनासहित उपत्यकामा थपिए १५६१ जना कोरोना संक्रमित

काठमाडौं, वैशाख १६ – पछिल्लो २४ घण्टामा काठमाडौँ उपत्यकामा १ हजार ५६१ जनामा कोरोना संक्रमण पुष्टि भएको छ । काठमाडौंमा ११२७ जनासहित उपत्यकामा १५६१ जना संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार बिहीबार ललितपुरमा २५२ जना र भक्तपुरमा १८२ जनामा संक्रमण पुष्टि भएको हो ।

नेपालमा पछिल्लो २४ घण्टामा कोरोना भाइरसका ४ हजार ८३१ जना नयाँ संक्रमित थप भएका छन् । योसँगै नेपालमा संक्रमतिको संख्या ३ लाख १७ हजार ५३० जना पुगेको छ ।

मन्त्रालयका अनुसार पछिल्लो २४ घण्टामा ८८८ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमणबाट निको हुनेको संख्या २ लाख ८० हजार १६७ जना पुगेको छ ।

पछिल्लो २४ घण्टामा ३५ जना संक्रमितको मृत्यु भएको छ । यो सँगै हालसम्म नेपालमा कोरोना भाइरसको संक्रमणबाट मृत्यु हुनेको संख्या ३ हजार २४६ जना पुगेको छ ।

हाल देशभर सक्रिय संक्रमितको संख्या ३४ हजार ११७ जना छ ।

मन्त्रालयका अनुसार हालसम्म नेपालमा २४ लाख ५८ हजार ५६५ जनाको पीसीआर विधिबाट स्वाब परीक्षण गरिएको छ भने अहिले ३४ हजार ११७ जना आइसोलेसन र ५९ जना क्वारेन्टिनमा छन् ।