कोभिड अस्पतालको फार्मेसीमा रेम्डिसिभिर औषधि बिक्रि वितरण हुने

काठमाडौं, ०२ कार्तिक –स्वास्थ्य तथा जनसंख्या मन्त्रालयले कोरोनाको उपचार हुने अस्पतालहरुको फार्मेसीबाट रेम्डिसिभिर औषधि बिक्रि वितरण हुने जनाएको छ। 

कोरोनाको नियमित ब्रिफिङका क्रममा मन्त्रालयका प्रवक्ता डा जागेश्वर गौतमले कोभिडको रुपमा सूचीकृत अस्पतालहरुको फार्मेसीबाट रेम्डिसिभिर औषधि बिक्रि वितरण गर्ने व्यवस्था मिलाइएको बताए। कोरोना भाइरसको उपचारका लागि नेपालमा क्लिनिकल ट्रायलका रुपमा रेम्डिसिभिर औषधि प्रयोगमा ल्याइएको छ।  

यसअघि मन्त्रालयले रेम्डिसिभिर औषधि आयातका लागि नेपालका दुई र भारतको एक कम्पनीलाई आयात तथा बिक्रि वितरणका लागि अनुमति दिएको छ।