थप १६ सय ७४ जनामा कोरोना पुष्टि, २३ सय २३ निको भए

काठमाण्डाै, मंसिर ६ – नेपालमा पछिल्लो २४ घण्टामा थप १ हजार ६७४ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयले शनिबार अपरान्ह दिएको जानकारी अनुसार देशभरमा थप १ हजार ६७४ जनामा कोरोना पुष्टि भएको हो।

योसँगै नेपालमा कोरोना संक्रमितको संख्या २ लाख १८ हजार ६३९ पुगेको छ।

पछिल्लो २४ घण्टामा ८ हजार १४४ पीसीआर परीक्षण गरिएको मन्त्रालयले जनाएको छ।

त्यस्तै पछिल्लो २४ घण्टामा २ हजार ३२३ जना कोरोना संक्रमित निको भएका छन्।