आइतबार, वैशाख १३, २०८३
कर्पोरट खबर
5:43 pm, आइतबार, वैशाख १३, २०८३
काठमाडौं । नेपाल उद्योग वाणिज्य महासंघ (एफएनसीसीआई) को नयाँ नेतृत्व चयनका लागि भोलिदेखि पुन: निर्वाचन कार्यक्रम सुचारु गरिने भएको छ ।
सदस्यता विवादसम्बन्धी उच्च अदालत पाटमा परेको रिटमाथिको फैसलाका कारण यसअघि स्थगित भएको निर्वाचन कार्यक्रम भोलि (वैशाख १४ गते) देखि सुचारु हुने भएको हो ।
यसअघि गत चैत १२ गते प्रकाशित निर्वाचन कार्यतालिकाको क्रमसङ्ख्या १ देखि ५ सम्मका कार्यक्रम सम्पन्न भइसकेकाले अब क्रमसङ्ख्या ६ देख १६ सम्मका कार्यक्रम सञ्चालन हुने मुख्य निर्वाचन अधिकृत लीलामणि पौडेलले जानकारी दिए ।
जारी सूचना अनुसार सक्कल कागजात प्राप्त भएपछि सो प्रमाणहरूको आधारमा उम्मेदवारहरूको दोस्रो सूची प्रकाशन गरिने छ । यस्तै, उम्मेदवारहरूको मनोनयनसम्बन्धी दाबीविरोध जनाउन आगामी मंगलबार (वैशाख १५ गते) बिहान ११ बजेदेखि साँझ ५ बजेसम्मको समय छुट्याइएको छ ।
हेर्नुहोस् निर्वाचन कार्यक्रम विवरण–
