नेपाल वायुसेवा निगमको महाप्रबन्धकमा डिमप्रकाश पौडेल नियुक्त

काठमाडौं, असोज २३ – सरकारले नेपाल वायुसेवा निगमको महाप्रबन्धकमा डिमप्रकाश पौडेल नियुक्त भएका छन्।  मन्त्रिपरिषदको वैठकले पौडेललाई नियुक्त गरेको हो। 

यसअघि निगमको सञ्चालक समिति सदस्य रहेका पौडेललाई संस्कृति पर्यटन तथा नागरिक उड्डयन मन्त्रालयको प्रस्तावमा मन्त्रिपरिषदले नियुक्त गरेको हो।  पौडेल निगमको सदस्य हुनुअघिसम्म बतास अर्गनाइजेसनमा कार्यरत थिए। 

सरकारले यसअघि नेपाल एयरलाइन्सको कार्यकारी अध्यक्षमा सुशिल घिमिरेलाई नियुक्त गरेको थियो। अर्को व्यवस्था नभएसम्मका लागि भन्दै कार्यकारी अधिकारसहित घिमिरेलाई नियुक्त गरिएको थियो।