पुनर्वीमा कम्पनी र प्राइम लाइफ इन्स्योरेन्स कम्पनीबीच सम्झौता

काठमाण्डौं — नेपाल पुनर्वीमा कम्पनी लिमिटेड र प्राइम लाइफ इन्स्योरेन्स कम्पनी लिमिटेडबीच २०%  प्रत्यक्ष हिस्सा पुनर्वीमा व्यवस्थाको लागि सम्झौता भएको छ ।

नेपाल सरकारले चालु आ.व.२०७५÷०७६ को बजेट वक्तव्यबाट व्यवस्था गरे बमोजिम २०%  प्रत्यक्ष हिस्सा पुनर्वीमा व्यवस्थाको लागि सम्झौता सम्पन्न भएको हो ।

एक कार्यक्रममा नेपाल पुनर्बीमा कम्पनी लिमिटेडका प्रमुख कार्यकारी अधिकृत चिरायु भण्डारी र प्राइम लाइफ इन्स्योरेन्स कम्पनी लिमिटेडका प्रमुख कार्यकारी अधिकृत मनोज कुमार भट्टराईले सम्झौतामा हस्ताक्षर गरे ।

उक्त व्यवस्थाले चालु आ.व.को आरम्भ देखि नै पुनर्वीमा हुने र यस बाट दुवै कम्पनी लाभदायी हुने जनाइएको छ ।