बलात्कारको आरोप लागेका एसएसपी राणा पक्राउ

काठमाडौं, माघ १९- यौन दुर्व्यवहारको आरोप लागेका प्रहरी वरिष्ठ उपरीक्षक एसएसपी सौरभ समशेर राणा पक्राउ परेका छन् ।

संघीय प्रहरी इकाई कार्यालय धरानमा कार्यरत एसएसपी राणा आइतबार दिउँसो जिल्ला प्रहरी कार्यालय सुनसरीले पक्राउ गरेको हो ।

संघीय प्रहरी इकाइ धरानमा कार्यरत एक महिलाले यौन दुर्व्यवहारको आरोपमा उनीविरुद्ध किटानी जाहेरी दिएकी थिइन् । उनको धरानमा रहेको बीपी कोइराला स्वास्थ्य विज्ञान प्रतिष्ठानमा स्वास्थ्य परीक्षण गरिएको थियो ।

उनलाई जबर्जस्ती करणीको कसुरमा किटानी जाहेरी परेपछि निलम्बन गरिएको थियो । निलम्बन लगत्तै उनलाई पक्राउको तयारी गरिएको थियो ।