केपी शर्मा ओलीले लिए पद तथा गोपनियताको सपथ

काठमाडौं । नेकपा एमालेका अध्यक्ष केपी शर्मा ओलीले पद तथा गोपनियताको सपथ लिएका छन् ।

ओलीलाई एमाले निर्वाचन आयोगका अध्यक्ष विजय सुब्बाले सपथ गराएका थिए । यसअघि उनी निर्वाचित भएको घोषणा भएको थियो । एमालेको निर्वाचित आयोगले ओली १८३७ मतका साथ निर्वाचित भएको घोषणा गरेको हो । सौराहमा भएको दशौं महाधिवेशनले ओलीको नेतृत्वमा ३०१ सदस्यीय केन्द्रीय कमिटी चयन गरेको थियो ।

आज बिहान भएको मतदानको गणना सकिएपछि केन्द्रीय निर्वाचन आयोगका प्रमुख डा. विजय सुब्बाले उनलाई सपथ गराएका छन्।