नवनिर्वाचित कांग्रेस महामन्त्री शर्मा माल्यार्पणका पुगे सुन्दरीजल

काठमाडौं । नवनिर्वाचित नेपाली कांग्रेसका महामन्त्री विश्वप्रकाश शर्माले सुन्दरीजलस्थित वीपी सङ्ग्रहालय पुगेर बिपी कोइराला लगायत नेताको सालिकमा माल्यार्पण गरेका छन् ।

नेता कार्यकर्ता एवं परिवारसहित सङ्ग्रहालय पुगेका शर्मा प्रथम जननिर्वाचित प्रधानमन्त्री वीपी, सर्वोच्च नेता गणेशमान सिंह, सन्त नेता कृष्णप्रसाद भट्टराई, नेता योगेन्द्रमान शेरचन, दिवानसिंह राई, रामनारायण मिश्रलगातको सालिकमा माल्यार्पण गरेका हुन् ।

महामन्त्री शर्माले वीपीले रोपेका कपुरको रुखमा पानी पनि हालेका थिए । उनले गत भदौ २४ गते बिपी जयन्तीको अवसर पारेर सङ्ग्रहालयमै महामन्त्री पदमा उम्मेद्वारी घोषणा गरेका थिए ।