बढ्यो कोरोना संक्रमण, आज थपिए ५ सय ५३ जना संक्रमित

काठमाडौं । नेपालमा पछिल्लो २४ घण्टामा थप ५ सय ५३ जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर २ हजार ४० जनामा आरटी–पीसीआर गर्दा ४ सय ५१ जना र १ हजार ७४९ जनाको एन्टिजेन परीक्षण गर्दा १ सय ०२ जना गरी आज ५५३ जनामा संक्रमण पुष्टि भएको हो ।

नेपालमा पछिल्लो २४ घण्टामा कोरोना भाइरस संक्रमणका कारण मृत्यु हुनेको सङख्या सून्य छ । नेपालमा कोरोना भाइरसको संक्रमणका कारण ज्यान गुमाउनेको संख्या ११ हजार ९७१ जनामा स्थिर छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ सय ३३ जना संक्रमित निको भएका छन् । यो सँगै नेपालमा कोरोना भाइरसबाट संक्रमणमुक्त हुनेको संख्या ९ लाख ७२ हजार ४९७ जना पुगेको छ । यो कुल संक्रमितको ९८.२ प्रतिशत हो ।

हाल देशभर सक्रिय संक्रमितको संख्या ५ हजार ६५९ रहेको छ। मन्त्रालयका अनुसार हालसम्म नेपालमा कोही पनि क्वारेन्टिनमा छैन् ।