न्युजिल्यान्डविरुद्ध पहिलो खेलमा वेस्ट इन्डिजको जीत

काठमाडौं । न्युजिल्यान्डलाई पाँच विकेटले पराजित गर्दै घरेलु टोली वेस्ट इन्डिजले पहिलो एकदिवसीय (ओडिआई) खेल आफ्नो पक्षमा पारेको छ ।

१९१ रनको लक्ष्य पछ्याएको वेस्टइन्डिजले ३९ ओभरमा ५ विकेट गुमाउँदै जीत हात पारेको हो । वेस्टइन्डिजको जितमा शमराह ब्रुक्सले सर्वाधिक ७९ रन बनाए । यस्तै, निकोलस पुरनले २८ र शाई होपले २६ रनको योगदान गरे । न्युजिल्यान्डका ट्रेन्ट बोल्ट र टिम साउथीले समान दुई विकेट लिए ।

यसअघि बुधबार राति टस हारेर पहिला ब्याटिङ गरेको न्युजिल्यान्ड ४५.२ ओभरमा सबै विकेट गुमाउदै १९० रन बनाएको थियो । न्युजिल्यान्डका कप्तान केन विलियम्सनले सर्वाधिक ३४ रन बनाए । यस्तै, मार्टिन गुप्टिल २४ र फिन एलेनले २५ रनको योगदान गरे । वेस्टइन्डिजका अकिल हुसैनले ३ विकेट लिए ।

यस जितसँगै तीन खेलको शृंखलामा बेस्ट इन्डिजले १-० को अग्रता बनाएको छ । दोस्रो खेल शुक्रबार हुनेछ ।