४४ अंकले बढ्याे नेप्से परिसूचक, काराेबार रकम ८३ कराेडमा सिमित

काठमाडौं । नेपाल स्टक एक्सचेञ्ज (नेप्से) साताको कारोबारको पहिलो दिन आइतबार आज दोहोरो अंकले बढेको छ ।

दशैंको लामो विदापछि खुलेको बजारमा कारोबार रकममा पनि सुधार आएको छ । मंसिर ४ गते हुने निर्वाचनका लागि उम्मेदवारी दर्ता आज देशैभरी भइरहेकाले पनि यसको सकारात्मक असर शेयर बजारमा परेको हुनसक्छ । दशैं अघि दोहोरो अंकको वृद्धि भएर बजार बन्द भएको थियो ।

आज नेप्से ४४.०७ अंकले बढेर एक हजार ८ सय ९८ दशमलब ३३ विन्दुमा बन्द भएको छ ।

त्यस्तै, शेयरबजार बढे पनि कारोबार रकम भने बढ्न सकेन । आज नेप्सेमा ८३ करोड ४५ लाख रुपैयाँ बराबरको कारोबार भएको छ । यसअघि नेप्सेमा ६६ करोड ३० लाख रुपैयाँ बराबरको कारोबार भएको  थियो ।

आज कारोबार भएका कम्पनीमध्ये १७२ वटा कम्पनीको शेयरमूल्य बढेको छ भने ११ वटा कम्पनीको शेयरमूल्य घटेको छ भने २ कम्पनीको शेयरमूल्य स्थिर रहेको छ । आज २ कम्पनीको शेयरमुल्यमा उच्च वृद्धि भएको छ । सप्तकोशी डेभलपमेन्ट बैंकको  शेयरमुल्य १० प्रतिशतले बढेर प्रतिकित्ता २३१  रुपैयाँ पुगेको छ ।

त्यस्तै, उपकार लघुवित्त संस्थाको शेयर ९.८४ प्रतिशतले वृद्धि भएर तीन हजार चार सय ६० रुपैयाँ पु्गेको छ । त्यस्तै, कारोबारको आधारमा आज सबैभन्दा बढी हिमालयन एभरेष्ट इन्स्योरेन्सको भएको छ । यसको आज २२ करोड ६९खलाखभन्दा बढीको कारोबार भएको छ ।