कञ्चनपुरबाट लागू औषधसहित तीन जना पक्राउ

काठमाडौँ । कञ्चनपुरबाट लागू औषधसहित प्रहरीले तीन जना युवक पक्राउ गरेको छ । कञ्चनपुर जिल्लाको बेलौरी नगरपालिका–१० भुडाबाट अवैध लागू औषध खैरो हेरोइन जस्तो पदार्थ ९५० मिलिग्रामसहित तीन जना पक्राउ परिएको प्रहरीले जनाएको छ ।

प्रहरीका अनुसार पक्राउ पर्नेमा शुक्लाफाँटा नगरपालिका–४ झलारीका २३ वर्षीय हरेन्द्र कुँवर, सोही नगरपालिका–११ कलुवापुरका १८ वर्षीय किशोर र धनगढी उपमहानगरपालिका२ मिलन चोकका २२ वर्षीय सुदीप धामी रहेका छन् ।

प्रहरी चौकी भुडाबाट खटिएको प्रहरी टोलीले सुपप्र ०१ ००९ प ९९५१ नम्बरको मोटरसाइकलमा जाँच गर्दा उनीहरुलाई उक्त लागू औषधसहित पक्राउ गरिएको प्रहरीले बताएको छ ।