कर्मचारी सञ्चय कोषको प्रशासकमा धिताल नियुक्त

काठमाडौं ।  कर्मचारी सञ्चय कोषको प्रशासकमा जितेन्द्र धिताल नियुक्त भएका छन्।

यही मंसिर २० गते बसेको मन्त्रिपरिषद्को बैठकले जितेन्द्र धिताललाई कर्मचारी सञ्चय कोषको प्रशासकमा नियुक्त गर्ने निर्णय गरेको हो । उनी हाल कोष मै निमित्त प्रशासकको जिम्मेवारीमा छन् । कोषको प्रशासक खुला प्रतिस्पर्धाबाट नियुक्त गर्न अर्थ मन्त्रालयले छनौट तह सिफारिस समिति बनाएको थियो । समितिले आएका आवेदन मध्येबाट ५ जनालाई सर्टलिस्ट गरि उनीहरुको प्रस्तुतीकरण र अन्तर्वाता लिएको थियो ।

सर्टलिस्टमा कमल प्रसाद रेग्मी, जितेन्द्र धिताल , जीवन कुमार कटुवाल , डा. नरेन्द्रराज पौडेल, र विजय कुमार श्रेष्ठ परेका थिए ।