२०२४ को कोपा अमेरिका फुटबलको संस्करण अमेरिकामा हुने

काठमाडौँ । दक्षिण अमेरिकी महादेशको फुटबलको प्रतियोगिता कोपा अमेरिकाको आगामी संस्करण अमेरिकामा हुने भएको छ ।

उत्तर अमेरिकी राष्ट्र अमेरिकामा आयोजना हुने २०१४ को कोपा अमेरिकामा कूल १६ राष्ट्रले प्रतिस्पर्धा गर्नेछ । जसमा दक्षिण अमेरिकाका १० टिम हुनेछन् भने उत्तर र मध्य अमेरिकी क्षेत्रबाट ६ टिम हुनेछन् ।

२०२४ को कोपा अमेरिका आयोजना गर्ने पालो इक्वेडरको भएपनि त्यहाँको सरकारले आयोजना गर्न नसक्ने जनाएपछि दक्षिण अमेरिकी फुटबल संघ कन्मेबोलले अमेरिकामा गर्ने निर्णय गरेको छ ।

यसअघि कोपा अमेरिकाको सय वर्ष पूरा भएको अवसरमा २०१६ मा पनि यो प्रतियोगिता अमेरिकामा भएको थियो ।