फेरि उकालो लाग्यो सुनको मूल्य

काठमाडौँ । साताको दोस्रो दिन सोमबार पनि सुनको मूल्य उकालो लागेको छ । आज सुन तोलामा ३ सय रुपैयाँले बढेको छ भने चाँदीको मूल्य स्थिर रहेको छ ।

नेपाल सुनचाँदी व्यवसायी महासंघकाअनुसार छापावाल सुनको प्रतितोला मूल्य एक लाख ६ हजार ३ सय, तेवाजी सुनको मूल्य एक लाख ५ हजार ८ सय रुपैयाँ तोकिएको छ ।

आइतबार छापावाल सुनको प्रतितोला मूल्य एक लाख ६ हजार र तेजावी सुनको मूल्य एक लाख ५ हजार ५ सय रुपैयाँ थियो ।

सोमबार चाँदीको कारोबार आइतबारकै मूल्य भइरहेको छ । सोमबार चाँदीको प्रतितोला मूल्य भने १ हजार ३ सय ६५ रुपैयाँ तोकिएको छ ।