थप ३८ जनामा कोरोना भाइरसको सङ्क्रमण, संक्रमितको संख्या १७१ पुग्यो

काठमाडौं । पछिल्लो २४ घण्टामा ३८ जना नयाँ कोरोना भाइरसका संक्रमित थपिएका छन् ।

पीसीआर र एन्टिजेन विधिबाट ६५६ जनाको स्वाब परीक्षण गर्दा ३८ जनामा सङ्क्रण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा ११८ जनाको पीसीआर परीक्षण गर्दा १५ जना र ५३८ जनाको एन्टिजेन परीक्षण गर्दा २३ जनामा संक्रमण पुष्टि भएको हो । अघिल्लो दिन १४२ जना संक्रमित थपिएका थिए ।

हाल देशभर सक्रिय संक्रमितको संख्या १७१ जना छ । अद्यावधिक विवरण अनुसार नेपालमा हालसम्म कोरोना भाइरसबाट संक्रमित हुनेको संख्या १० लाख १ हजार ३८४ जना पुगेको छ भने ९ लाख ८९ हजार १९३ जनाले संक्रमण जितेर निको भएका छन् ।