सुनको मूल्य स्थिर हुँदा चाँदी घट्यो, कतिमा हुदैँ छ काराेबार

काठमाडौं । नेपाल सुनचाँदी व्यवसायी महासंघले बिहिबारका लागि सुनचाँदीको भाउ सार्वजनिक गरेको छ । महासंघका अनुसार आज सुनको मूल्य स्थिर रहेको छ भने चाँदीको मूल्य घटेको छ । लगातार पाँच दिनसम्म स्थिर रहेको चाँदीको मूल्य आज प्रतितोला १५ रुपैयाँले घटेको हो ।

आज बजारमा छापावाल सुनको मूल्य प्रतितोला एक लाख ११ हजार ६ सय रुपैयाँ रहेको छ भने तेजावी सुनको मूल्य प्रतितोला एक लाख ११ हजार ५० रुपैयाँमा कारोबार भइरहेको महासंघले जनाएको छ । त्यस्तै, आज चाँदीको मूल्य प्रतितोला एक हजार ४३० रुपैयाँमा कारोबार भइरहेको छ  ।