मुसलधारे पानी परेपछि काठमाडौँ आउँदै गरेका ३ वटा जहाज आकाशमै होल्ड

काठमाडौं । भारी वर्षाका कारण हवाइ उडान प्रभावित भएको छ । भारतबाट काठमाडौँ आउँदै गरेका २ वटा र कतारबाट आउँदै गरेको एउटा जहाज होल्ड भएका छन् ।

दिल्लीबाट काठमाडौँ आउँदै गरेको भिस्तारा एयरलाइन्स, दिल्लीबाटै आउँदै गरेको नेपाल एयरलाइन्स र कतारको दोहाबाट आउँदै गरेको कतार एयरवेजको जहाज होल्ड भएका छन् ।

त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाका अनुसार आन्तरिक उडान पनि प्रभावित भएको छ । काठमाडौँ बाहिरबाट काठमाडौँ आउने आन्तरिक उडानका जहाजलाई पनि डाइभर्ट गरिएको छ ।