बढ्यो सुनचाँदीको मूल्य, कति छ आज ?

काठमाडौं । नेपाली बजारमा पछिल्लो केहि दिन यता सुनको मूल्यमा निरन्तर वृद्धि भइरहेको छ । हिजो सुनको मूल्य प्रतितोला एक लाख १० हजार ६ सय रुपैयाँमा कारोबार भएकोमा आज एक सय रुपैयाँले बढेको हो । बुधबार सुनको मूल्य दुई सय रुपैयाँले बढेको थियो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख १० हजार ७ सय रुपैयाँ रहेको छ भने तेजावी सुनको मूल्य प्रतितोला एक लाख १० हजार १५० रुपैयाँ रहेको छ ।

त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला एक हजार तीन सय ८० रुपैयाँमा कारोबार भएकोमा आज बढेर प्रतितोला एक हजार तीन सय ९५ रुपैयाँ मूल्य कायम भएको महासंघले जनाएको छ ।