खर्च विवरण सार्वजनिक नगर्ने उम्मेदवारलाई कारबाही

काठमाडौँ । प्रतिनिधि सभा सदस्य तथा प्रदेश सभा सदस्य निर्वाचन २०७९ मा निर्वाचन खर्च विवरण सार्वजनिक नगर्ने दुई हजार ४४० जना उम्मेदवारमाथि कारबाही हुने भएको छ ।

खर्च विवरण सार्वजनिक नगर्नेमा एक हजार ४३ जना प्रतिनिधि सभा सदस्य पदका र एक हजार ३९७ जना प्रदेश सभा सदस्य पदका उम्मेदवार छन् । कानुनबमोजिम खर्च विवरण सार्वजनिक नगर्ने प्रत्येक उम्मेदवारले १५ हजार रुपियाँ जरिबाना तिर्नुपर्ने छ । तर त्यसका लागि आयोगले निर्णय गर्नुपर्ने छ । खर्च विवरण सार्वजनिक नगर्नेमा निर्वाचित जनप्रतिनिधि तथा प्रमुख राजनीतिक दलका पदाधिकारी तथा चर्चित अनुहारसमेत प्रशस्त रहेको आयोग स्रोतले बतायो ।

निर्वाचन आयोगका प्रवक्ता शालिग्राम शर्मा पौडेलले प्रतिनिधि सभा सदस्य र प्रदेश सभा सदस्यतर्फ पाँच हजार ५६१ उम्मेदवारले खर्च विवरण पेस गरेकामा दुई हजार ४४० जनाले सो विवरण सार्वजनिक नगरेको जानकारी दिनुभयो । उक्त सङ्ख्या पहिलो हुने निर्वाचित हुने प्रणाली ९प्रत्यक्ष० तर्फ प्रतिस्पर्धा गरेका उम्मेदवारको हो । खर्च विवरण सार्वजनिक नगर्नेमा मधेश प्रदेशका उम्मेदवारको सङ्ख्या सबैभन्दा बढी छ ।

प्रतिनिधि सभा सदस्य तथा प्रदेश सभा सदस्य निर्वाचन गत मङ्सिर ४ गते सम्पन्न भएको आजको गोरखापत्र दैनिकमा समाचार छ ।

Shorts

पिच रोडको बीचैमा कुलो खनेपछि हात हालाहाल !

डेटिङ र क्रिप्टो कारोबारमा संलग्न ६ जना चिनियाँसहित ५२ जना पक्राउ

सिद्धबाबा सुरुङको इन्भर्ट निर्माण सम्पन्न

चीनमा थुप्रिन थाल्यो नेपाली पैसा

५२ संवैधानिक नियुक्ति विरुद्धको रिट बहुमतले खारेज

‘वरिष्ठ नेता’ विरुद्ध फेरि बोलिन् रामकुमारी

हकप्रद सेयरमा नयाँ व्यवस्था गरिँदै

जलवायुमैत्री वित्तीयकरणको आवश्यकतामाथि महासंघको जोड

हिम स्टार उर्जाले आईपीओ निष्कासन गर्ने

निर्जीवन बीमा कम्पनीहरूको व्यवसाय ११ महिनामा ३९ अर्ब बढी