अन्तर्राष्ट्रिय जलविद्युत सम्मेलन: हरित ऊर्जामा लगानी भित्र्याउन इप्पानको पहल

काठमाडौं । ‘दिगो विकासको आधार’ भन्ने नारासहित अन्तर्राष्ट्रिय जलविद्युत् सम्मेलन इन्डोनेसियामा सुरु भएको छ । इन्डोनेसियाको राजधानी बालीमा कात्तिक १४ देखि १६ सम्म आयोजना हुने सम्मेलनमा नेपालसहित विश्वभरका ऊर्जा उत्पादकहरुको सहभागिता छ ।

कार्यक्रममा अन्तर्राष्ट्रिय हाइड्रोपावर संघ (आईएचए)का अध्यक्ष तथा अष्ट्रेलियाका पूर्वराष्ट्रपति माल्कोल्म टर्नबुल, इन्डोनेसियाका ऊर्जा तथा खनिजमन्त्री अरिफिन तस्रिफलगायतले सन् २०५० सम्म जलविद्युत उत्पादनलाई दोब्बर बनाइने बताए ।

वक्ताहरुले ग्लोबल वार्मिङ रियालिटी भएको भन्दै फोसेल फ्युलको खपत घटाउनुपर्नेमा पनि जोड दिए । नेपाल हरित तथा नवीकरणीय ऊर्जाको गन्तव्य मुलुक रहेको भन्दै हरित ऊर्जाका आयोजनामा विदेशी लगानी भित्र्याउने विषयमा इप्पान प्रतिनिधि मण्डलले विभिन्न देशका ऊर्जा उत्पादकहरुसँग छलफल गर्नेछन् ।