दुर्घटनामा नायिका महिमा सिलवाल र उनकी बहिनीको मृत्यु

काठमाडौं,फागुन १ – नेपाली चलचित्रकी नायिका महिमा सिलवालको सवारी दुर्घटनामा परी मृत्यु भएको छ । धादिङमा बस र स्कुटर ठोक्किँदा नायिका महिमा सिलवाल र उनकी बहिनीको ज्यान गएको हो ।

बुधबार साँझ करिब ५ बजेर ४५ मिनेट जाँदा पृथ्वी लोकमार्गको गजुरी गाउँपालिका वडा नम्बर २ चाम्बासमा भैरहवाबाट काठमाण्डौका लागि छुटेको लु २ ख १३५ नम्बरको बसले र बा ९८ प ७०५८ नम्बरको स्कुटरलाई ठक्कर दिदाँ महिमाको गजुरीमा अस्पतालमा र बहिनीको काठमाडौंमा निधन भएको हो ।

बहिनीको ‘इगेजमेन्ट’ मा चितवन जाँदै गर्दा उनीहरु दुर्घटनामा परेका हुन् ।भरतपुर महानगरपालिका–१२ शिवनगरकी महिमाले कारवाही चलचित्रबाट डेब्यु गरेकी थिइन् । त्यसयता उनले अप्रिल फुलु, चियर्स, दानव,जिग्लो लगायत चलचित्रमा काम गरेकी थिइन् । उनले एक दर्जनभन्दा बढी म्युजिक भिडियोमा पनि काम गरिसकेकी थिइन् ।