काठमाडौंमा देखिन थाले एलियन भेषमा पठाओको ब्याग भिरेका मानिस

काठमाडौं । तपाईं हामीले चलचित्रहरूमा एलियनलाई त देखिरहेका नै हुन्छौँ । तर हिजो आज काठमाडौंको मुख्य मुख्य व्यापारीक केन्द्र तथा मलमा भने एलियन भेष धारण गरेका व्यक्ति देखिन थालेका छन् ।

वसन्तपुर, पाटन, बानेश्वर, बौद्ध, कुमारीपाटी लगायत मुख्य चोकहरूमा देखिने ती एलियन भेषका मानिसहरूले कहिले केही खाइरहेका देखिन्छन् भने कहिले हातेब्यागमा सामान बोकिरहेको देख्न सकिन्छ । उनीहरूलाई स्थानीय तथा सर्वसाधारणहरूले निकै उत्सुकताका साथ हेरिरहेको दृश्य समेत देखिन थालेको छ ।

एलियन मुकुटधारीसँग सेल्फी खिच्नका लागि सर्वसाधारणहरू निकै उत्सुक देखिएका छन् । उनीहरूले पनि अनौँठा क्रियाकलाप गरी मानिसहरूलाई आफूतिर आकर्षित गरिरहेको देख्न सकिन्छ ।

उनीहरूको हातमा पठाओ नेपाल अंकित झोला भेटिन्छ । उनीहरूले पठाओको लोगो अंकित कपडा लगाएका छन् । एलियनलाई देखेको भन्दै विभिन्न सामाजिक सञ्जालमा समेत उनीहरूसँग खिचेको सेल्फी र भिडियो देख्न सकिन्छ ।

सामाजिक सञ्जालमा कतिपयले यसलाई पठाओेले पक्कै केही नयाँ गर्दै छ भनेर अनुमान समेत गरेका छन् ।

पठाओको आधिकारीक फेसबुक पेजमा उक्त एलियन भेष धारण गरेको व्यक्तिको फोटो राख्दै लेखेको छ,‘ तपाईहरुले तस्वीरमा देखाए जस्तो व्यक्ति कतै देख्नु भएको छ भने आफ्नो सामाजिक सञ्जाल फेसबुक तथा इन्स्टाग्राममा पोष्ट गर्नु । पठाओ नेपालमा मेन्सन गर्नुस । ’

एलियन भेष धारण गरको व्यक्तिको फोटो पोष्ट गर्ने मध्यबाट २ जनाले ५ हजार बराबरको फुड भोउचर पाउने छ भने भोली अर्थात १९ डिसेम्बरमा यस बारे सम्पूर्ण जानकारी दिने कम्पनीले बताएको छ ।