बाल्टिनको पानीमा डुबेर बालिकाको मृत्यु, आगोमा जलेर महिलाको

काठमाडौं । पानीको बाल्टिनमा डुबेर रौतहटको गुजरा नगरपालिका–१ रंगपुरकी एक १४ महिने बालिकाको मृत्यु भएको छ ।

चन्द्रपुर नगरपालिका–७ नयाँ बस्ती कटानी टोलस्थित मामा घरमा बस्ने सुबम साहकी छोरी १४ महिनाकी अनु साहको बाल्टिनको पानीमा डुबेर शनिबार दिउँसो मृत्यु भएको हो ।

खेल्ने क्रममा डुबेर अशक्त भएकी उनको चपुर प्रालि अस्पतालमा उपचारको क्रममा मृत्यु भएको हो ।

आगोले जलेर महिलाको मृत्यु

बर्दियाको मधुवन नगरपालिका–४ बसन्ता भुल्लनचोक बस्ने ७५ वर्षीया चिन्की थरुनीको आगोले जलेर आज आइतबार बिहान मृत्यु भएको छ ।

आफ्नै घरको बरण्डामा आगो ताप्ने क्रममा शरीरमा लगाएको कपडाबाट आगो सल्किँदा जलेर उनको घटनास्थलमै मृत्यु भएको हो ।