‘हात्तीछाप’ले पायो मल्टिप्लेक्समा उल्लेख्य शो

काठमाडौं ।भोली ( शुक्रबार) देखि रिलिज हुन लागेको फिल्म ‘हात्तीछाप’ले हलमा उल्लेख्य शो पाएको छ ।

फिल्मले देशभरका मल्टिप्लेक्स हलमा १६४ शो पाएको छ । सिंगल हलहरुको समेत आँकडा गर्दा २०० निकटको शो पुग्छ । क्यूएफएक्सले काठमाडौं उपत्यकास्थित आफ्ना चेनमा १५ शो उपलब्ध गराएको छ । आईएनआईले देशभरका फ्रेन्चाइजीमा १५ शो दिएको छ भने वान सिनेमाजले १० शो दिएको छ ।

चाबहिलको एफक्युब हलले पनि यो फिल्मलाई ६ शो उपलब्ध गराएको छ । देशभरका हलमा उच्च शो पाएको यो फिल्मले पहिलो सप्ताहन्त राम्रो ओपनिङ गर्न सकेमा त्यसले निकै राहत दिनेछ ।

सिमोस सुनुवार निर्देशित यो फिल्मलाई किरण नेपालीले निर्माण गरेका हुन् । दयाहाङ राई, सौगात मल्ल, उपासना सिंह ठकुरी, बेनिशा हमाल, कमलमणि नेपाल, विजय बराल, पुष्कर गुरुङ, वुद्धि तामाङ, सुष्मा निरौला र विल्सनविक्रम राईको अभिनय छ ।