त्रिशुली नदिनमा बस दुर्घटना हुँदा चार जनाको मृत्यु, ३० बढी घाइते

धादिङ । कपिलवस्तुबाट काठमाडौं आउँदै गरेको लु२ख २१२१ नम्बरका यात्रुवाहक बस धादिङको गजुरी गाउँपालिका–५ घाटबेँसी स्थित त्रिशुली नदिमा दुर्घटनामा परेको छ ।

बस पृथ्वीराजमार्गबाट करिब सय मिटर तल त्रिशूली नदीमा खसेको बताइएको छ । दुर्घटनामा एक महिलासहित चार जनाको घटनास्थलमै मृत्यु भएको छ

दुर्घटनामा ३० जनाभन्दा बढी यात्रु घाइते भएका छन् । बसचालक रुपन्देही लुम्बिनी संस्कृति नगरपालिका–९ का ३८ वर्षीय हरिराम हरिजनलाई प्रहरीले नियन्त्रणमा लिएको छ ।

मृतकको सनाखत हुन बाँकी रहेको जनाइएको छ । घटनास्थलमा नेपाल प्रहरी, सशस्त्र प्रहरी, नेपाली सेना र स्थानीयलेले उद्धार गरिरहेका छन् ।