साना किसान विकास लघुवित्तको बोनस शेयर सूचीकृत

काठमाडौं । बुधवार नेपाल स्टक एक्सचेन्ज नेप्सेमा साना किसान विकास लघुवित्त वित्तीय संस्थाको बोनस शेयर सूचीकृत भएको छ ।

कम्पनीको ४७ लाख ४७ हजार ५५५ दशमलव ९४१ कित्ता बोनस शेयर सूचीकृत भएको हो । अव यो बोनस शेयर सम्बन्धीत शेयरधनीको हितग्राही खातामा आएपछि कारोबार गर्न सक्नेछन् ।

कम्पनीले पुस २९ गते सम्पन्न वार्षिक साधारण सभाबाट पारित १४ दशमलव २५ प्रतिशत बोनस शेयर सूचीकृत गराएको हो ।

सो सभाले कर प्रयोजनको लागि शून्य दशमलव ७५ प्रतिशत नगद लाभांश पनि पारित गरेको थियो ।