सतुङ्गलबाट छापामारी ८ लाख ४० हजार मास्क बरामद

काठमाडौं, चैत ३ – काठमाडौँको सतुंगलबाट प्रहरीले सोमबार बिहान लुकाइरहेको अवस्थामा ८ लाख ४० हजार थान मास्क बरामद गरेको छ । दुई दिनमा करिब १० लाख मास्क बरामद भएको छ ।

रोहित श्रेष्ठको घरमा सञ्चालित आरडीजी इन्टरनेशनल कम्पनीमा छापा मार्दा ठूलो सङ्ख्यामा मास्क बरामद भएको महानगरीय प्रहरी परिसर काठमाडौंले जनाएको छ। पछिल्लो दुई दिनमा करिब १० लाख मास्क प्रहरीले छापामारी बरामद गरेको छ ।

आइतबार मात्र प्रहरीले सोही क्षेत्रबाट १ लाख ४० हजारभन्दा बढी मास्क बरामद गरेको थियो ।