महिला चेम्बरको अध्यक्षमा उर्मिला श्रेष्ठ चयन

काठमाडौं । नेपाल महिला चेम्बरको अध्यक्षमा उर्मिला श्रेष्ठ चयन भएकी छिन् । श्रेष्ठ नेपाल महिला चेम्बरको अघिल्लो कार्यसमितीको समेत अध्यक्ष थिइन् ।

श्रेष्ठ साल्ट ट्रेडिङ कर्पोरेशनको प्रमुख कार्यकारी अधिकृत (सिईओ) हुन् । उनले साल्ट ट्रेडिङलाई कुशल व्यवस्थापकिय नेतृत्व दिएकी छिन् ।

महिला चेम्बरलाई सबल नेतृत्व आवश्यक परेका कारण उनलाई चुनिएको बताइएको छ । नेपालमा सफल महिलाको नाम लिँदा उनको पनि नाम आउने गरेको छ ।

श्रेष्ठ नेपाल चेम्बर अफ कमर्शका पुर्व अध्यक्ष ईश्वर लाल श्रेष्ठकी छोरी हुन् । उनले महिला सशक्तिकरणको सवाल आवाज उठाउँदै आएकी छिन् ।

महिला चेम्बरले मुलुकभित्र महिला उद्यमशिलता विकासका लागि विभिन्न काम गर्दै आएको छ ।