इलाममा सुहाङ नेम्बाङको मत २१ हजार कट्यो, ६६ सय मतको अग्रता

काठमाडौं । इलाम क्षेत्र नं २ मा भएको उपनिर्वाचनको मतगणना जारी छ ।

यो समाचार तयार पर्दासमेत नेकपा एमालेका उम्मेदवार सुहाङ नेम्बाङको अग्रता कायमै छ । पछिल्लो मत परिणामअनुसार उनले २१ हजार ३८० मत प्राप्त गरेका छन् ।

यस्तै नेपाली कांग्रेसका उम्मेदवार डम्बरबहादुर खड्काले १४ हजार ७५२ मत प्राप्त गरेका छन् ।

यस्तै स्वतन्त्र उम्मेदवार डेकन्द्रसिंह लिम्बू थेगिमले १० हजार १४६ तथा राष्ट्रिय स्वतन्त्र पार्टीका मिलनकुमार योङहाङ लिम्बूले ३ हजार ६०३ मत प्राप्त गरेका छन् ।