सन नेपाल लाइफ इन्स्योरेन्सले २३.८० प्रतिशत बोनस शेयर वितरण गर्ने

सन नेपाल लाइफ इन्स्योरेन्सको बुधबार सातौं वार्षिक साधारणसभा सम्पन्न भएको छ ।

सभाले गत आवको वितरणयोग्य मुनाफाबाट हाल कायम चुक्तापूँजी ३ अर्ब २० करोड रुपैयाँको २३.८० प्रतिशत बोनस शेयर र कर प्रयोजनार्थ १.२५२६ प्रतिशत नगद लाभांश वितरण गर्ने प्रस्ताव पारित गरेको छ ।

सभाले बोनस शेयर जारीपछि चुक्तापूँजी ३ अर्ब ९६ करोड १६ लाख रुपैयाँ कामय हुने र नपुग पूँजी कायम गर्न २७ प्रतिशत अर्थात १ : ०.२७ को अनुपातमा हकप्रद जारी गर्ने र त्यसपछि अधिकृत, जारी तथा चुक्तापूँजी वृद्धि गर्न स्वीकृती प्रदान गर्ने प्रस्ताव पारित गरेको छ ।

यसैगरी, सभाले आवको वार्षिक प्रतिवेदन सहितको चालू आवका लागि लेखा परीक्षक नियुक्त गरी पारिश्रमिक निर्धारण गर्ने र प्रबन्धपत्र तथा नियमाली संशोधन गर्न संचालक समितिलाई अख्तियारी दिने प्रस्ताव पनि पारित गरेको छ ।

त्यस्तै आजै सभाबाट सर्वसाधारण शेयरधनी समूहतर्फ स्नेहा शर्मा निर्विरोध चयन भएकि छिन् ।