नवनियुक्त प्रधानमन्त्री ओलीको शपथ आज

काठमाडौं । नवनियुक्त प्रधानमन्त्री केपी शर्मा ओलीले आज पद तथा गोपनियताको शपथ लिँदैछन् । उनले आज बिहान ११ बजे राष्ट्रपति कार्यालय शितल निवासमा शपथ लिने कार्यक्रम रहेको छ ।

नेकपा एमालेका अध्यक्ष समेत रहेका ओली आइतबार चौथो पटक प्रधानमन्त्रीमा नियुक्त हुन् । राष्ट्रपति रामचन्द्र पौडेलले अध्यक्ष ओलीलाई नेपालको संविधानको धारा ७६ को उपधारा ९२० बमोजिम आज प्रधानमन्त्री पदमा नियुक्त गरेका हुन् ।

ओलीले एमालेका साथै नेपाली कांग्रेसलगायत दलको समर्थनमा प्रधानमन्त्रीमा दाबी पेस गरेका थिए । सोही अनुसार राष्ट्रपति पौडेलले उनलाई चौथो कार्यकालका लागि प्रधानमन्त्री नियुक्त गरेका हुन् ।