नेशनल लाइफद्वारा १९ अर्ब २२ करोड रुपैयाँ बीमा शुल्क आर्जन, ३४ प्रतिशतले बढ्यो व्यवसाय

काठमाडौं । नेशनल लाइफ इन्स्योरेन्स कम्पनी गत आर्थिक वर्ष २०८०/८१ मा १९ अर्ब २२ करोड रुपैयाँ कुल बीमा शुल्क आर्जन गर्न सफल भएको छ ।

कम्पनीले कुल बीमा शुल्क तर्फ १६.९८ प्रतितशतले सुधार गरेको छ ।

अघिल्लो वर्षको यहि अवधिमा कम्पनीले १६ अर्ब ४३ करोड रुपैयाँ कुल बीमा शुल्क आर्जन गरेको थियो ।

नविकरण बीमा शुल्क आर्जन तर्फ पनि कम्पनीले १४ अर्ब १७ करोड रुपैयाँ संकलन गरेको छ । गत वर्ष भन्दा १२.९१ प्रतिशतले सुधार गरेको हो । अघिल्लो वर्ष १२ अर्ब ५५ करोड थियो ।

नेशनल लाइफ सर्वाधिक धेरै प्रथम बीमा शुल्क आर्जनमा आक्रामक देखिएको छ । कम्पनीले समीक्षा अवधिमा ३०.४९ प्रतिशतले प्रथम बीमा शुल्क आर्जन बढाउन सफल भएको हो ।

कम्पनीले गत वर्ष ५ अर्ब ५ करोड रुपैयाँ प्रथम बीमा शुल्क आर्जन गरेको छ । अघिल्लो आर्थिक वर्षमा कम्पनीले ३ अर्ब ८७ करोड रुपैयाँ आर्जन गरेको थियो ।

कम्पनीमा अहिले १५ हजार ६८२ जना सक्रिय अभिकर्ता रहेका छन् ।