ईभी ब्राण्ड दिपलको ब्राण्ड एम्बास्टरमा पूर्व क्रिकेटर पारस खड्का

काठमाडाै। ईभी ब्राण्ड दिपलको ब्राण्ड एम्बास्टरमा पूर्व क्रिकेटर एवंम् क्रिकेट एसोसिएन अफ नेपाल (क्यान) का सचिव पासर खड्का नियुक्त भएका छन् ।

नेपालका लागि दिपलको आधिकारिक विक्रेता एमएडब्लू वृद्धिले मंगलबार राजधानीमा एक कार्यक्रमको आयोजना गर्दै पूर्व क्रिकेटर खड्कालाई ब्राण्ड एम्बास्टरमा अनुबन्धन गरेको हो ।

कम्पनीको तर्फबाट म्यानेजिङ डिरेक्टर विवेक सिकारियाले ब्राण्ड एम्बास्टर खड्कालाई सम्झौतापत्र हस्तान्तरण गरे । योसँगै कम्पनीले ब्राण्ड एम्बास्टर खड्कालाई दिपल एस ०७ को कीं ह्याण्डओभर समेत गरेको छ । नेपाली क्रिकेटको इतिहाससँग जोडिएको लक्की नम्बर ७ सँगै आफु दिपल एस ०७ सँग पनि जोडिन पाउँदा निकै हर्षित भएको खड्काले बताए । छोटो समयमा नै नेपाली बजारमा उत्कृष्टता परिचय बनाउन सफल दिपलसँग अनुबन्धन हुन पाएको उनको भनाई छ ।

चिनियाँ अटोमोबाइल उत्पादक कम्पनी चांगानको उत्पादन दिपल गत चैतमा मात्र नेपाल भित्रिएको हो । पहिलो चरणमा दिपल एस ७ मोडल नेपाल भित्र्याएको कम्पनीले पछिल्लो पटक एस ०७ मोडल समेत भित्र्याएको छ ।