दशैंपछिकाे पहिलाे काराेबारमा बढ्याे सुनकाे मूल्य

काठमाडाैँ।  दशैंपछिकाे  पहिलाे काराेबारमा सुनकाे मूल्य बढेकाे छ । दशैँ विदापछिको पहिलो दिन मंगलबार पहेलो धातु सुनको मूल्य उल्लेख्य बढेको हो । तोलामा १ हजार ४०० रुपैयाँले बढेर प्रति तोला एक लाख ६० हजार ५०० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ।

अघिल्लो कारोबार दिन छापावाला सुन प्रतितोला १ लाख ५९ हजार १०० रुपैयाँमा कारोबार भएको थियो। त्यसैगरी, यो दिन चाँदीको मूल्य २५ रुपैयाँले बढेको छ । चाँदीको मूल्य प्रतितोला १ हजार ९ सय २५ रुपैयाँमा कारोबार भइरहेको छ । अघिल्लो कारोबार दिन चाँदी १ हजार ९०० रुपैयाँमा कारोबार भएको थियो ।

यसैगरी, यो दिन प्रति १० ग्राम सुनको मूल्य १ लाख ३७ हजार ६०० रुपैयाँ र प्रति १० ग्राम चाँदीको मूल्य १ हजार ६ सय ५० रुपैयाँ ५० पैआ कायम भएको छ। अघिल्लो कारोबारमा प्रति १० ग्राम सुनको मूल्य १ लाख ३७ हजार ४०५ रुपैयाँ र प्रति १० ग्राम चाँदीको मूल्य १ हजार ६ सय २९रुपैयाँ कायम थियो।