प्रधानमन्त्रीले बोलाए मन्त्रिपरिषद् बैठक, धितोपत्र बोर्डको अध्यक्ष नियुक्त गर्ने तयारी

काठमाडाैँ । प्रधानमन्त्री केपी शर्मा ओलीले मन्त्रिपरिषद बैठक आह्वान गरेका छन् । उनले आज साँझ ५ बजे प्रधानमन्त्री तथा मन्त्रिपरिषदको कार्यालय सिंहदरबारमा बैठक आह्वान गरेका हुन् । सोमबार हरेक साता मन्त्रीपरिषद् बैठक बैठक बस्दै आएको छ । आजको बैठकमा नेपाल धितोपत्र बोर्डको अध्यक्ष नियुक्त हुन सक्ने जनाइएको छ ।अर्थमन्त्रालयले तीन जनाको नाम मन्त्रीपरिषद्मा पेश गरेका छन् ।

जसमा बोर्डका कार्यकारी निर्देशक मुक्ती श्रेष्ठ,डा. नवराज अधिकारी र सन्तोष नारायण श्रेष्ठ रहेका छन् । तीन जनामध्ये एकजनालाई बोर्ड अध्यक्ष नियुक्त गरिने जनाएको छ । मुख्य दाबेदारमा मुक्ती र सन्तोषको सम्भावना निकै बलियो मानिएको छ ।